شعری درخصوص فرارسیدن عیدنوروز ومقارن شدن آن با ایام فاطمیه
بایرام یلی اسدی، یادا دوشدی او کوچنلر
دنیا قفسیندن کوچوب عقبایه دوننلر
ایل لر بویو بیزلرله بو بایراملاری دوتموش
افسوس کی سوز سولارینی سینه ده اوتموش
هر بیر او کوچنلر له بیزیم خاطیره میز وار
اما بو الومدور کی ادوب عرصه نی چوخ دار
دوشموس بویول ایل بایرامی فاطمه یادیلا
الموشدو مزین گلن ایل اونون آدیلا
تانریم! سنی آند السون او زینب چکن آهه
هم ده نجفین ایچره یاتان سئومه لی شاهه
پیغمبرین او وقته کی اوز دوتدو سمایه
اوز امتینه آلدی شفاعت او دعایه
آند السون حسینه کی علمداریدی قول سوز
تکجه نه علمداری کی سرداریدی قولسوز
آند السون او وقته کی باشی نیزه ده ، قرآن
اوخوردو حسین ، حیف کی دشمن هامی نادان
آند السون او وقته کی رقیه جانا دویموش
جان وئردی آتاسیز اورگی آل قانا دویموش
آند السون او وقته کی پریشانیدی سجاد
زینب کناریندا دینه الموشدولا بنیاد
تانریم! سنی آند السون او اخیامه کی یاندی
اوندان بویانا اهل دلین سینه سی قاندی
تانریم! سنی آند السون او پاک اهل کسایه
اونلار کی نمادیدیله ایمان و حیایه
احسن حالا چاتدیر بیزی ایل باشه چاتان وقت
عفو ایله گناهلاری او قبر ایچره یاتان وقت
با غیشلا اولن لر هامیسین بی بی یه خاطر
ائتمه بیزی شرمنده ملاقاتینه حاضر
اصغر هادی پور(شاهد)
ارسال نظر شما
مجموع نظرات : 1 در انتظار بررسی : 0 انتشار یافته : ۱