وطنده کرب وبلانین نسیمی وار/معطر ایدوب دیاریمیزی رهروان گلور

به گزارش شبسترنیوز در آستانه ورود شهدای گمنام به شهرستان شبستر  هنرمندان و اقشار مختلف مردم برای استقبال از این شهدای گمنام ثانیه شماری می کنند  و قربانعلی بیرامی  شاعر سیسی  نیز شعری به زبان ترکی سروده است که  تقدیم مخاطبان می گردد:

ای دل مشامه عطرگل وگلستان گلور            گلشن یاشیل گئیوب بزنیب بوستان گلور

گلزاریده نسیم صبا جسمه جان ویرور          اسدوقجا یل او رایحه دلستان گلور

فصل بهاری مرغ خوش الحان خبر ویرور        گلشن گوزل لنورشعفه باغبان گلور

لکن زمان لباس قراسین دئیشمیوب            سمعه نوای محنت وآه وفغان گلور

ارض وسمانی گردملال ومحن دوتوب            یارب نه غمدی نالیه افلاکیان گلور

ایام فاطمیـــــه دورعالم عزالیدی                 ماتم دوتوب بوغمده زمین وزمان گلور

چاووش غم بیرآیری نوادن خبرویرور              ایلوراثراورکلره بوغم گران گلور

دیللرشرارمحنت وغمدن یانورولیک               بیتاب وبیقراریدی خلق ناگران گلور

وارقلبلرده شور،اللهی نه غمدی بو              گوزللرقالوبدی یولدا گلنلرهاچان گلور

عاشقلری صدای جرس آگه ایلیور                آغلولاراول شهیدلره که خسته جان گلور

گوزیاشلاری آخوریوزه پیشوازایدنلرون            درد فراق باشه یتورکاروان گلور

ای ساربان غم بونجه کاروانیدی                  بی اختیارآغلورهامی باغریقان گلور

یعقوب یوسفون آلوری عطرینی یقین            احساس ایدورکه جسمینه روح وروان گلور

نسگیللرون شهیدآتاسی سویلیورحزین        بو صون نفسده گوزلریمی باغلیان گلور

اوخشورآنا بالاسینی آه وفغانیله                 آغلوردئیورخدا سینه می داغلیان گلور

خسنه کبوتران حرمدی قوناق بیزه                عشاق سیــــد الشهدادوراینان گلور

سربند یاحسیـــن و ابالفضل ، باشیندا شور     نصر من الله پرچمین دهره وران گلور

تفسیر ایدوبله عشقی چاتوبلار مرامینه          دلداده گان حقدی چوسرو چمان گلور

آغوشینه آلورشهدا نعشینی وطن                اول شان وجاهه غبطه ایدورخاکیان گلور

مردان سربلند ودلیران نامدار                       عشاق سرفراز ویروب امتحان گلور

معشوقین ایلیوبلر اجابت نداسینی               لبیک یاحسین دئیوب اول عاشقان گلور

(راشد) وطنده کرب و بلانین نسیمی وار        معطر ایدوب دیاریمیزی رهروان گلور